arte+parte

Ata sempre !!!!!!!!!!!!!!!!!!!!!!!!!!!!!!!!!!!!!!!

2011-03-23T12:01:00.000+01:00

Máis fotos de arte+parte 3 (inclasificables)

2011-03-23T11:57:00.000+01:00

Fotos dos concertos de Duplo Son, Chotokoeu e Ojos de Brujo

2011-03-23T11:38:00.000+01:00

Fotos da danza-perfomance "En feminino"

2011-03-23T10:53:00.000+01:00

Fotos da exposición "En feminino"

2011-03-23T10:26:00.000+01:00

Fotos concurso IGUAIS de publicidade antisexista

2011-03-23T09:51:00.001+01:00

Fotos de Duelirium en arte+parte 3

2011-03-23T09:21:00.000+01:00

Recollida dos traballos presentados ao concurso IGUAIS non premiados nin seleccionados

2011-03-22T11:37:00.002+01:00

Dende a Concellaría de Igualdade e Participación Cidadá do Concello da Coruña queremos comunicarvos ás persoas cuxos traballos presentados ao concurso IGUAIS non foron premiados nin seleccionados que os días 28 e 29 de marzo en horario de 12:00 a 14:30 poderedes recoller a obra que presentastes ao concurso organizado pola nosa concellaría.

Para a recollida da devandita obra deberedes dirixirvos á Conserxería do Concello, sita no Palacio de María Pita, nº 1, Planta Baixa.

Para calquera aclaración poderedes poñervos en contacto connosco no teléfono 981 184 309 (en horario de 8.30 a 14.30).

Máis traballos seleccionados

2011-03-20T12:21:00.002+01:00

Cambia o conto, por Adrián Morgade Valcárcel

Comportamento, por Ricardo Fernández Mora

O máis difícil todavía, por Lilith Acción Social e Educativa

Razoa un futuro xusto, por Pedro Martín Pérez

Traballos presentados a IGUAIS e seleccionados para proxectos expositivos coa súa autoría

2011-03-19T12:01:00.000+01:00

Como se indicaba nas bases e convocatoria deste concurso, o xurado escolleu un número de obras presentadas para formar parte de futuras exposicións organizadas pola nosa Concellaría.

Nos próximos días indicaremos onde se poden recoller os traballos non seleccionados.

4 Cambia o conto, por Adrián Morgade Valcárcel

5 Igualitas, por Jose Javier Pérez López

7 Comportamento, por Ricardo Fernández Mora

9 O máis difícil todavía, por Lilith Acción Social e Educativa

12 Razoa un futuro xusto, por Pedro Martín Pérez

15 Nova fregati, por Somosmagenta, S.L.

16 Home ou muller, por Carlos Lorenzo Ayala

17 Píxel, por Borja Lamas Rodríguez

19 Por que elexir?, por Isabel Albela González

21 Que non te encasillen!, por Xiana de la Peña Parga

24 Nivelados, por Xoán Carpente López

26 Desmárcate, por Purificación Cabido Pérez

32 Carta de axuste, Begoña Pastoriza Varela

33 Debuxo, por Laura Cabal García

35 Muller do fogar, por Verónica Eugenia Iglesias Pérez

36 O Sexador, por Juan Diego Ingelmo Benavente

37 Un novo código, por Emilio Pablo Hueso Arevalillo

38 Mente, por Roberto Cores Ferreira ( 1º Accésit )

40 Día do pai, por Alberto Lorenzo Otero

41 Desodorante, por Patricia Portela Vaamonde

45 Fíxate, por Celestino Barreiro Torrado e Rafael Rumbo Vieira ( 2º Accésit )

52 Iguais, por Belén Otero Mouro

54 Sae e xoga pola igualdade, por Lucía Blanco Torres

55 Non queremos ser bonecas, por Marta Paz Naveiro

56 Non é unha muller, por Noemí Cubillo Rico ( 1º Premio )

58 Cabeza, por Antón Lezcano González

59 Oferta, por Rafael Pier Romero

60 Credulidade, por Manuel Ramas Quilez

63 Pseudonimo: Del Lagrace, por Iria Presedo Martínez

64 Tanta loita para isto?, por Esther Amil Bastardo

Centos de persoas participaron nas actividades de tarde e case un milleriro asistiron aos concertos da noite

2011-03-14T11:23:00.001+01:00

No transcurso do festival entregáronse os premios Iguais de publicidade antisexista. O primeiro premio recaeu en Noemí Cubillo, e os accesits foron entregados a Roberto Cores e a Celestino Barreiro e Rafael Rumbo

Durante a xornada os numerosos visitantes ao festival que se celebra en EXPOCORUÑA puidero ver ás equilibristas de Duelirium, ou a exposición colectiva “En Feminino” e pola noite o prato forte chegou co concerto de “Ojos de Brujo” e os grupos coruñeses Chotokoeu e Duplo Son

O Festival Mulleres Arte + Parte, celebrado onte en EXPOCORUÑA e promovido pola Concellaría de Igualdade e Participación Cidadá, acadou un grande éxito de participación, tanto nas actividades celebradas durante a tarde, na que se achegaron ao recinto centos de persoas, como pola noite, no programa musical, que chegou a reunir en EXPOCORUÑA a un milleiro de persoas. O obxectivo desta proposta multidisciplinar é reivindicar o papel protagonista das mulleres nas distintas disciplinas artísticas, nas que historicamente foi relegada como simple elemento decorativo. Ademais, no transcurso deste evento celebrouse o acto institucional con motivo do Día Internacional das Mulleres. Ao acto asistiron o alcalde da Coruña, Javier Losada, así como o primeiro tenente de alcalde, Henrique Tello, e a concelleira de Igualdade e Participación Cidadá, Margarida Vázquez.

No transcurso deste acto fíxose público o fallo e realizouse a entrega dos premios de publicidade antisexista “Iguais”, do que permaneceron expostos durante toda a xornada os 60 traballos finalistas. O primeiro premio, dotado con 5.000 euros, foi entregado polo alcalde, e recaeu en Noemí Cubillo Rico, polo seu traballo titulado “Non é unha muller”. O primeiro accesit, dotado con 2.500 euros, foi entregado polo primeiro tenente de alcalde e Roberto Cores Ferreira, polo seu traballo titulado “Mente”. O segundo accesit, dotado coa mesma contía e entregado pola concelleira de Igualdade, foi para Celestino Barreiro e Rafael Rumbo, polo seu traballo titulado “Fíxate”.

Durante o transcurso do festival, que celebrou este ano a súa terceira edición, foron as mulleres o eixo condutor dun encontro no que se mesturaron as artes plásticas, as artes escénicas e, por suposto, a música. As primeiras en actuar, e levantando os aplausos de público de todas as idades, foron as equilibristas do dúo artístico galego Duelirium, integrado por Mercè Solé e Raquel Oitavén. As artistas fixeron un despregue da súa linguaxe propia, na que mesturan mimo, teatro, malabares e unha gran empatía co público con trapecio, danza vertical, voo, contorsión e danza.

Xa ás 19.15 horas celebrouse unha mesa redonda coas artistas participantes na exposición “En Feminino". Esta mostra pictórica colectiva comisariada pola artista coruñesa Rebeca Ponte, conta con obras da propia Rebeca Ponte, Belén Cossío, Mónica Pan,Lara Pintos, Noelia Buján e Yolanda Dorda. A exposición presenta a obra de seis artistas mulleres que na súa propia linguaxe creativa, diferente e persoal, dialogan co público a través do espazo expositivo sobre a imaxe da muller. De xeito indirecto, as artistas participantes realizan unha homenaxe a todas as mulleres da historia que tiveron que asinar as súas obras con pseudónimos ou nomes de home para que así as pezas puidesen ver a luz. A exposición “En Feminino” tense convertido nunha arma contra a violencia machista a través da expresión artística. Así foi considerada polo Instituto Catalán da Muller, que premiou esta mostra na que se transmite con sinxeleza, claridade e solidariedade un grito de liberdade e igualdade.

No transcurso do festival o público puido achegarse de forma gratuíta a contemplar esta mostra, sobre a que Rebeca Ponte presentou unha montaxe de danza – performance inspirada nas obras da mostra. Ademais, durante todo o festival proxectouse a videocreación “Autorretrato”, da recoñecida creadora Ana Domínguez, que é xunto con Ángel Rueda co-directora do festival de cinema S8 (Mostra de Cinema Periférico).

O prato forte chegou a partir das 21.30 horas, co programa musical, que incluiu os concertos dos grupos locais Duplo Son e Chotokoeu. Estas actuacións remataron co concerto culminante, a cargo do grupo Ojos de Brujo, que está realizando a súa xira de despedida, que comezou en xaneiro e rematará en decembro. Por tanto, o público coruñés, formado por en torno a mil persoas, foi un dos privilexiados que puido ver a Ojos de Brujo nunha das súas últimas actuacións.

Para poder levar adiante estas edicións do festival, a Concellaría de Igualdade ven contando coa colaboración estable de entidades e organizacións como están as empresas Gadisa, Begano e Estrella Galicia, así como o Centro Comercial Los Rosales e o Consorcio de Turismo da Coruña.

Listado dos trinta traballos seleccionados dentro do concurso IGUAIS para formar parte de diferentes proxectos expositivos

2011-03-14T10:05:00.006+01:00

4 Cambia o conto

5 Igualitas

7 Comportamento

9 O máis difícil todavía

12 Razoa un futuro xusto

15 Nova fregati

16 Home ou muller

17 Píxel

19 Por que elexir?

21 Que non te encasillen!

24 Nivelados

26 Desmárcate

32 Carta de axuste

33 Debuxo

35 Muller do fogar

36 O Sexador

37 Un novo código

38 Mente

40 Día do pai

41 Desodorante

45 Fíxate

52 Iguais

54 Sae e xoga pola igualdade

55 Non queremos ser bonecas

56 Non é unha muller

58 Cabeza

59 Oferta

60 Credulidade

63 Pseudonimo: Del Lagrace

64 Tanta loita para isto?

Traballos premiados no concurso IGUAIS de publicidade antisexista

2011-03-13T11:06:00.001+01:00

Primeiro premio

Non é unha muller

Noemí Cubillo Rico

Primeiro accésit

Mente

Roberto Cores Ferreira

Segundo accésit
Fíxate
Celestino Barreiro e Rafael Rumbo

O festival Mulleres arte+parte 3 ofrecerá unha vídeo-creación de Ana Domínguez, codirectora do festival Cinema S8

2011-03-10T09:57:00.002+01:00

Durante toda a tarde do festival, que se celebrará o sábado 12 de marzo en EXPOCORUÑA, proxectarase a video-creación titulada “Autorretrato”

Obxectivo deste evento, que terá carácter multidisciplinar e se pechará co concerto de “Ojos de Brujo”, é reivindicar o papel protagonista das mulleres nas distintas disciplinas artísticas

O recinto de EXPOCORUÑA acollerá o sábado 12 de marzo a terceira edición do festival Mulleres Arte + Parte, promovido pola Concellaría de Igualdade e concibido como un evento multidisciplinar que ten como obxectivo reivindicar o papel protagonista das mulleres nas distintas disciplinas artísticas, nas que historicamente foi relegada como simple elemento decorativo. Por tanto, serán elas o eixo condutor dun encontro no que se mesturarán as artes plásticas, as artes escénicas e, por suposto, a música, cun atractivo programa que se dará a coñecer en próximas datas.

Durante todo o transcurso deste festival, que dará comezo ás 18.30 horas, proxectarase a videocreación “Autorretrato”, da recoñecida creadora Ana Domínguez, que é xunto con Ángel Rueda co-directora do festival de cinema S8 (Mostra de Cinema Periférico).

A peza que os asistentes poderán ver en EXPOCORUÑA está inspirada na tribu dos Yanomami, que significa ser humano. Indica a videocreadora, en referencia á súa obra, que os Yanomami “tíznanse a pel cando van á guerra para que non os distingan na selva. A miña introversión convértese nunha pintura, que me defende…que me fai menos vulnerable...que me fai forte…Capas de auto protección das que me desposúo a intres, para cubrirme de novo”.

Ana Domínguez cursou estudos de arte en Santiago, Barcelona e Alemaña, onde se desenvolve a súa traxectoria artística, con exposicións e deseños de decorados e vestiario para teatro. Ao seu regreso a Galicia forma parte do grupo multidisciplinar e intercultural, Proxecto Ninguén, onde realiza performances pictóricas por todo o territorio galego sendo a autora da portada do disco Ball-Cans, xerme do espectáculo, ano 2000.

Comeza a realizar traballos no cine e a televisión como deseñadora artística e attrezzo. A partir de aquí desenvolve a súa creatividade producindo traballos audiovisuais de autor e creando os seus propios. Actualmente está inmersa na creación, dirección e produción do documental Os Fillos dá Vide, á vez que desenvolve diversos traballos de vídeo-creación e instalacións como Tendales Azules, La Basura de mi Casa, Oyemiramundos e Guerreras Amarillas.

Desde o 2009 forma parte xunto con Ángel Rueda e Miguel Mariño de F.D.I , plataforma de Acción Audiovisual Performativa, que formou parte do OutonArte 2009 da Coruña. Actualmente con F.D.I ten prevista unha performance a finais de marzo no país vecino Portugal, concretamente en Oporto. É directora xunto a Ángel Rueda do (S8) Mostra de Cinema Periférico que chegou ao mundo no 2010.

PROGRAMA DO FESTIVAL

O acceso ao recinto de EXPOCORUÑA será gratuíto no que se refire á participación nas actividades previas aos concertos. O acceso ao programa musical terá un custo de 10 euros en entrada anticipada -que se poderá adquirir en Ticketmaster, Novacaixagalicia e Portobello- e 15 euros o mesmo día en taquilla.

O programa inclúe disciplinas como as artes plásticas, nas que destaca a exposición pictórica colectiva “En Feminino”, comisariada pola artista coruñesa Rebeca Ponte, con obras da propia Rebeca Ponte, Belén Cossío, Mónica Pan, Lara Pintos, Noelia Buján e Yolanda Dorda. A mostra presenta a obra de seis artistas mulleres que na súa propia linguaxe creativa, diferente e persoal, dialogan co público a través do espazo expositivo sobre a imaxe da muller. No marco desta exposición, Rebeca Ponte ofrecerá unha performance aos asistentes xunto con Ánxela Blanco.

Tamén ofrecerase unha actuación do dúo artístico galego Duelirium, integrado por Mercè Solé e Raquel Oitavén, que desenvolve unha linguaxe propia deseñando as súas propias estruturas, elementos aéreos e vestiarios mesturados cun toque persoal. Trapecio, danza vertical, teas, voo, contorsión, danza, malabares…Son só algunhas das técnicas que fusionan nos seus espectáculos baixo unha concepción artística propia. Tamén se procederá, no transcurso do festival, a facer público o fallo do concurso “Iguais” de publicidade antisexista, ás 20.30 horas.

O prato forte chegará cos concertos , que comezarán ás 21.30 horas e inclúen aos grupos de fusión coruñeses Duplo Son e Chotokoeu. A xornada concluirá coa actuación do grupo Ojos de Brujo, que está realizando a súa xira de despedida, que comezou en xaneiro e rematará en decembro. Por tanto, o público coruñés será un dos privilexiados que poderá ver a Ojos de Grupo nunha das súas últimas actuacións, no marco do festival Mulleres Arte + Parte.

HORARIO DE ACTIVIDADES

Sábado 12 de marzo:

18.00: Apertura de portas.

18.30: Actuación das equilibristas da compañía Duelirium.

19.15: Comezo da mesa redonda coas artistas da zona expositiva “En Feminino”

20.30: Fallo do xurado do concurso “Iguais” de publicidade antisexista.

20.45: Danza-Performance “En Feminino”.

21.00: Final das actividades. Apertura da taquilla e portas do concerto.

21.30: Concertos: Duplo Son, Chotokoeu e Ojos de Brujo.

Vídeo promo de arte+parte 3 versión íntegra

2011-03-08T12:35:00.000+01:00

Cartel do festival arte+parte 3

2011-03-07T13:03:00.001+01:00

Final do vídeo promo de arte+parte 3

2011-03-07T09:45:00.002+01:00

Terceira e última parte das aventuras de Roxy pola Coruña. Chega o día do festival e Roxy acude máis que ben acompañada. Praia, campo e cidade. Nova masculinidade, ocio alternativo e protagonismo feminino nas artes. Agardamos vervos este sábado 12 de marzo en EXPOCORUÑA. A partir das 18:00 actividads gratuítas, e a partir das 21:00 apertura de portas para os concertos de Duplo Son, Chotokoeu e Ojos de Brujo.

Fallo do xurado do concurso IGUAIS

2011-03-02T10:56:00.003+01:00

O próximo 12 de marzo, sábado, no recinto feiral EXPOCORUÑA, poderase ver unha exposición dos traballos presentados e admitidos ao concurso IGUAIS de publicidade antisexista. A apertura de portas para visitar esta exposición será ás 18:00 horas. Nese mesmo marco, ás 20:30 horas, procederase á lectura do fallo do xurado.

COMPOSICIÓN DO XURADO

Presidente:

D. Francisco Gallego Guisán, Asesor Técnico da Concellaría de Igualdade e Participación Cidadá en delegación de Margarida Vázquez Veras, Concelleira de Igualdade e Participación Cidadá

Vogais:

Dª. Mercedes Begoña Rico Rodríguez, Coordinadora de Centros e Programas da Concellaría de Igualdade e Participación Cidadá do Concello da Coruña.

Dª. Xulia Santiso Rolán, Conservadora da Casa-Museo Emilia Pardo Bazán.

D. Javier Álvarez Franco, profesor da Escola de Artes e Superior de Deseño Pablo Picasso da Coruña.

D. Julio Vázquez López, deseñador, coordinador e dinamizador do concurso IGUAIS de publicidade antisexista e responsable de Deica Management, S.L. empresa de iniciativas culturais.

Dª. Carmen Fernández Rivera, Directora do MACUF (Museo de Arte Contemporáneo Unión-Fenosa) da Coruña.

Dª: Nadia álvarez Fernández, en representación da Revista de Pensamento Feminista “Andaina”.

Secretario:

D. Javier Varela Carro, Xefe de Departamento de Igualdade e Participación Cidada do Concello da Coruña.

Esta exposición é unha das actividades que se desenvolverán dentro da terceira edición do festival Mulleres arte+parte 3.

Presentación da programación de arte+parte 3

2011-02-28T09:12:00.013+01:00

Na mañá de hoxe presentouse en EXPOCORUÑA a programación completa do festival Mulleres arte+parte 3. Esta presentación contou con Margarida Vázquez, Concelleira de Igualdade e Participación Cidadá, e Henrique Tello, Primeiro Tenente de Alcalde, pola parte do Concello, e Ana Montes, Xerente de EXPOCORUÑA. Ademais, diversos representantes das empresas colaboradoras, como Roberto Vázquez, director do Centro Comercial "Los Rosales", e Iria Rodríguez en representación de GADISA, se deron cita para amosar o seu apoio a esta edición dun festival que pretende ser unha pedra de toque sobre o protagonismo feminino nas artes.

A principal novidade desta edición é o adianto do festival que se celebrará no Centro Comercial "Los Rosales" este venres 4 de marzo ás 18:30. Alí poderase ver a actuación da Cía Duelirium e un obradoiro infantil de circo. Tamén é de resaltar a vídeo-creación de Ana Domínguez que se poderá ver durante toda a tarde do 12 de marzo.

Vémonos en arte+parte 3!!!!!!

De esquerda a dereita, Roberto Vázquez, Director do Centro Comercial "Los Rosales", Ana Montes, Xerente de EXPOCORUÑA, Iria Rodríguez de GADISA, Margarida Vázquez, Concelleira de Igualdade e Participación Cidadá e Henrique Tello, Primeiro Tenente de Alcalde do Concello da Coruña.

Enlaces que che poden interesar:

Info sobre venda de entradas

Info na guía GO

Web de EXPOCORUÑA

Vídeo promo 1

Vídeo promo 2

Facebook do festival

Páxina de Turismo da Coruña

Noticia Opinión Coruña sobre Ojos de Brujo

A portada da guía GO de marzo estará protagonizada polo arte+parte 3

2011-02-25T10:23:00.002+01:00

Esta é a espectacular portada que a guía GO adicará ao noso festival coincidindo co seu número de marzo. Tamén teñen colgada info correspondente neste enlace.

Arte+parte 3 pasearase polo Centro Comercial "Los Rosales" o venres 4 de marzo

2011-02-24T12:56:00.002+01:00

As rapazas da Compañía Duelirium realizarán diferentes acrobacias sobre o chan e. logo, desenvolverase un superobradoiro infantil de circo para todos os nenos e nenas que o desexen. Todo isto a partir das 18:30 na Praza da Moda deste Centro Comercial.

O propio 12 de marzo, dentro do desenvolvemento do festival en EXPOCORUÑA, poderemos ver a estas artistas desenvolvendo as súas acrobacias aéreas!!!!!

Información actividades de entroido Centro Comercial "Los Rosales"

Información Cía. Duelirium

Vídeos promocionais de arte+parte 3

2011-02-23T17:43:00.002+01:00

Por agora están en dúas partes....e ameazan cunha terceira!!!! En todo caso, os centos de visitas que levan en youtube indican un moi bo acollemento ás aventuras coruñesas de Roxy!!!!

Primeira parte

Segunda parte

Xa se poden adquirir as entradas para Ojos de Brujo

2011-02-18T14:31:00.002+01:00

Na páxina de TicketMaster (enlace directo)

Durante o día de hoxe estarán dispoñibles nas taquillas de NovaCaixaGalicia (enlace directo) e, a partir do martes 22, en Discos Portobello.

Ojos de Brujo encabezará o cartel do festival Mulleres arte+parte 3

2011-02-16T16:29:00.001+01:00

O grupo barcelonés Ojos de Brujo encabezará o cartel do festival Mulleres arte+parte na súa terceira edición. Este grupo gañou un Grammy latino en 2007. Esta será a súa primeira actuación en Galicia dentro da súa anunciada xira de despedida dos escenarios.

O proxecto de Ojos de Brujo créase en Barcelona, en 1996, a raíz do encontro, en diferentes jam sessions, de distintos músicos da escena barcelonesa do momento. É destes encontros dos que xurdirán as cancións que conformarán o seu primeiro disco, Vingue, que ve a luz en 1999. Edítase, ademais de en España, noutros países como Bélxica, Holanda, Francia, Italia e Alemania, promocionándose en festivais ao longo e ancho de Europa. O boca a boca supuxo un papel vital na difusión do disco, chegando a vender corenta mil copias, vinte mil delas en oito meses.

A formación do grupo se estabilízase con Ramón Giménez, Juanlu, Mariña "a canillas", Xavi Turull, Panko, Sergio Ramos e Maxwell Wright, pero sempre contando con colaboracións de todo tipo. En 2001 rompen contrato coa súa discográfica, Edel, optan pola autoxestión e comezan a xira "Abrindo portas por toda España".

En 2002 editaron Barí, da man de La Fábrica de Colores, un selo discográfico que crean e autoxestionan para a produción e edición dos seus propios traballos. Este disco suporá o seu definitivo despegue a nivel internacional e a súa xira promocional lévaos por festivais de EEUU, México, Canadá, Xapón, Colombia, Marrocos, Portugal, Cuba, Hungría, Francia, Alemania, Holanda, Dinamarca, Noruega e Italia entre outros países.

O 20 de febreiro de 2006, publican o seu terceiro traballo titulado Techarí en Diquela Records. Neste álbum colaboran Pepe Habichuela, Martirio, Cyber (membro de Asian Dub Foundation) e Nitin Sawhney entre outros. Saíu á venda en dúas edicións diferentes, unha normal e outra deluxe ilustrada por graffiteiros, ilustradores e comiqueiros de varios países.

En 2007 editan o seu primeiro disco en directo chamado Techarí Live, onde interpretan os temas do seu último disco e unha versión de Bob Marley, "Get Up, Stand Up" xunto con Faada Freddy (DaraJ). Este disco vén acompañado cun DVD cun concerto gravado en Barcelona o 22 de decembro de 2006, un documental sobre a banda e extras.

En próximos días a Concellaría de Igualdade e Participación Cidadá dará a coñecer o conxunto de actividades programadas para esta nova edición do arte+parte.

Nun futuro non moi lonxano.....

2011-02-08T11:38:00.002+01:00

Un amigo do festival envíanos este novo vídeo das aventuras coruñesas de Roxy...

Vídeo promocional da 2ª edición de arte+parte, celebrada os días 30 e 31 de outubro de 2009

2011-01-31T09:52:00.008+01:00

Por se non tivestes oportunidade de ver este fabuloso vídeo creado para a difusión da segunda edición do Festival Mulleres arte+parte denominada arte+parte=2....Roxy e Purple márcanse un paseo pola Coruña de impredecibles consecuencias:

Corrección de erros nas bases do concurso IGUAIS de publicidade antisexista

2011-01-28T11:06:00.002+01:00

No B.O.P. da provincia da Coruña de data 28 de xaneiro de 2011 aparece publicada unha corrección de erros na sétima cláusula das bases do concurso IGUAIS de publicidade antisexista. Esta corrección xa estaba incluída nosa bases que as perosas interesadas puideron coñecer através da web www.iguais.org, así como as que accederon a esta información que temos colgada en Igualdade Coruña.

Consultar corrección no B.O.P.

Entrar en www.iguais.org

Entrar nas bases publicadas en Igualdade Coruña

Lembrade que durante a celebración do Festival Mulleres arte+parte³ poderase visitar unha exposición que amosará os vintecinco mellores traballos presentados, incluíndo o traballo gañador e os accésits, a xuízo do Xurado.

"En feminino": exposición pictórica colectiva comisariada pola artista coruñesa Rebeca Ponte

2011-01-27T15:14:00.003+01:00

“En feminino”

Obras de Belén Cossío, Mónica Pan, Lara Pintos

Rebeca Ponte, Noelia Buján, Yolanda Dorda

Proxecto orixinal e comisariado: Rebeca Ponte

Performance: Rebeca Ponte
Data: 12 de marzo de 2011
Lugar: Expocoruña
arte+parte³

Ao longo da historia da arte, as mulleres como creativas e artistas sempre estiveron relegadas a un segundo plano. Así, ata ben entrado o século XIX, os libros de historia e arte, de cando en cando, incluían nas súas páxinas biografías de mulleres escritoras, pintoras de renome ou compositoras musicais do mesmo xeito que ocorreu no mundo das ciencias ou a investigación, claro reflexo dun mundo dominado polos homes.

Nesta mostra, de modo indirecto, as artistas participantes realizan unha homenaxe a todas as mulleres da historia que han ter que asinar as súas obras con pseudónimos ou nomes de home para que así as pezas puidesen ver a luz. Os procesos de industrialización que sacudiron Europa no século XIX e as posteriores dúas guerras mundiais incorporaron á muller á vida laboral, o que modificou drásticamente o sseu rol.

O poder que o valor da man de obra outorgou á clase obreira no século XX deulle inevitablemente á muller un poder que esixía os seus dereitos. Esta presión transcendeu tamén as barreiras das escolas de arte e o mundo da produción artística, que foi abrindo aos poucos un oco ás mulleres. Todas elas fannos herdeiras da súa loita polo dereito á cultura e ao libre pensamento creativo que se soslaian tamén no espírito reivindicativo das autoras desta exposición.

“En feminino” é unha mostra que presenta a obra de seis artistas mulleres que na súa propia linguaxe creativa, diferente e persoal, dialogan co público a través do espazo expositivo sobre a imaxe da muller, os cambios sociais que modificaron o seu rol e o que dalgún modo as mulleres do s.XXI decidiron ser collendo o seu propio destino polas rendas, tomando as súas propias decisións, abríndose camiño nun mercado laboral dominado polos homes e establecendo un novo canon de comportamento social que salta válalas impostas polo patriarcado.

Traballando a imaxe da muller desde prismas diferentes, entre todas pretenderon ofertar un puzzle compaxinado e sensible de “a muller desde a muller” unindo varias disciplinas e estilos diferentes entre si pero que se enlazan e únense homoxeneizando a exposición na base do tema tratado.

Preguntas máis frecuentes relativas a arte+parte e que nunca te atreviches a facer....

2011-01-27T12:23:00.006+01:00

1. Qué é Mulleres:arte+parte exactamente?

Este proxecto pretende ser unha pedra de toque sobre o papel secundario e estereotipado que as mulleres adoitan representar no mundo das diferentes disciplinas artísticas, nomeadamente na música e nas producións audiovisuais.

2. Moi ben. Resulta bastante evidente que o papel das mulleres en moitas disciplinas artísticas ( e non só nas artes...) queda reducido a un elemento decorativo-ornamental e, por tanto, "cousificado", cando non sexualizado....pero, en qué medida Mulleres: arte+parte pode servir para cambiar esta situación?

Pensemos un momento no seguinte: O resultado de reunir, nun espazo concreto, baixo unha etiqueta común e dentro dunha temporalidade definida, a artistas femininas locais, e de ámbito comarcal, xunto con artistas xa consagradas, ou emerxentes, dentro do panorama estatal e mesmo internacional, convirte esta cita nun marco incomparable e nun referente indispensable para a promoción, máis aló do ámbito da nosa cidade ou Comunidade, destas artistas de disciplinas tan variadas e de proxección totalmente indiscutible. Pintura, fotografía, grafismo urbano en espazos urbanos, cine documental, danza, equilibrismo, grupos musicais ou cómic danse a man nas diferentes edicións deste festival a partir de elementos tan simples e comúns como a reivindicación do protagonismo feminino nas artes e a realidade xeográfica que enmarca estas actuacións: a cidade da Coruña. Evidentemente, a reivindicación igualitaria do seu protagonismo artístico realízase a través dunha marca cultural que acaba chamando máis a atención polo seu contido que polo seu "continente".

3. É entón necesario que a xente acuda a este festival como a mellor forma de apoiar a estas artistas?

Por suposto que esa é unha forma de velo, pero podemos asegurarche que quen se perda este Festival estase perdendo unha das citas IM-PRES-CIN-DI-BLES na Coruña en todo o ano 2011!!!!!!.....dito isto con profundo respecto a outras moitas actividades interesantísimas que de seguro se desenvolverán.

Desde a Concellaría de Igualdade e Participación Cidadá estamos tamén convencid@s de que o Festival Mulleres arte+parte³trascende os aspectos máis directamente relacionados co ámbito puramente artístico e igualitario para asentarse tamén como unha excelente oportunidade de promoción turística tanto da nosa cidade, das súas ofertas artísticas como do seu sector servicios.

4. Por qué organiza este Festival unha concellaría como a de Igualdade e Participación Cidadá e non forma parte da programación cultural ou de Festas da cidade?

Porque está ben claro que, aínda que formalmente vivamos nunha sociedade que consagra nos seus textos legais a IGUALDADE de todas as persoas, independentemente do seu xénero ou condición, noticias como a aparecida estes días en varios medios sobre a diferencia REAL de salarios entre homes e mulleres (e que podedes consultar AQUÍ e AQUÍ) confirman a triste realidade de que aínda queda moitísimo camiño por percorrer.....Resultaría practicamente imposible atopar un cartel como o deste Festival de non ser impulsado desde unha concellaría como a nosa....por desgraza.

5. Todo iso está moi ben, pero....cando poderemos coñecer a programación completa de arte+parte=2 para confirmar se todo o que dicides é certo e paga moi moito a pena acudir o próximo 12 de marzo a Expocoruña?

A programación definitiva darase a coñecer entre a próxima e a seguinte semanas. Estade atent@s aos vindeiros días.

Duelirium: dúas aviadoras en arte+parte

2011-01-27T11:11:00.002+01:00

Visita a Cia. Duelirium

Dúo artístico galego integrado por Mercè Solé e Raquel Oitavén con oito anos de investigación e traballo en proxectos de creación aérea. Formadas en prestixiosas escolas de circo internacionais, desenvolven unha linguaxe propia deseñando as súas propias estruturas, elementos aéreos e vestiarios mesturados cun toque persoal.

Trapecio, danza vertical, teas, voo, contorsión, danza, malabares… entre outras. Son algunhas das técnicas que fusionan nos seus espectáculos baixo unha concepción artística propia.

A seguridade é un dos elementos principais do traballo. Ambas as dúas son técnicas de seguridade en circo, o que lles permite continuar gozando da exploración e creación aérea.

Podedes admirar parte do seu traballo neste vídeo da TVG:

O festival xa ten o seu facebook

2011-01-26T13:12:00.000+01:00

Neste espazo iremos publicando as diferentes novidades relativas á programación da terceira edición do festival Mulleres arte+parte.

Mulleres arte+parte no facebook

Para contactar con nós podedes empregar este espazo ou o blog no que estás agora mesmo a través dalgún comentario.

Quedan quince días de prazo para presentar traballos ao concurso IGUAIS de publicidade antisexista

2011-01-26T09:50:00.004+01:00

A día de onte, a web de IGUAIS acadou as 20.000 visitas desde a súa posta en marcha o 10 de xaneiro. Do total destas, perto de 10.000 son visitas individualizadas, o que dá conta do interese que espertou este concurso cuxo fallo coñecerase a tarde do día 12 de marzo durante a celebración da terceira edición do Festival Mulleres arte+parte. É importante sinalar que esta web foi deseñada por Pequena Suricata, artista local responsable da exposición Visibilidade-Resetea, cambia o teu rol que fora estreada na segunda edición de arte+parte. Ver impactos de prensa AQUÍ.

Entrar en www.iguais.org

A terceira edición do arte+parte expoñerá unha selección dos mellores traballos presentados ao concurso IGUAIS de publicidade antisexista

2011-01-25T11:38:00.002+01:00

Non se pode entender a nosa sociedade actual, ou polo menos chegar a abarcala e comprendela, sen o estudo da súa publicidade. Ben sexa polo afán desta por reflectir, coma se dun espello se tratase, as transformacións sociais máis actuais, ben sexa porque a propia publicidade xenera dinámicas socioculturais, ou polo menos a iso aspira por necesidade e definición, o certo é que resulta xa un soporte recorrente á hora de amosarnos, non sen certo compoñente humorístico, os cambios operados en nós mesmos como colectivo nos últimos anos. Efectivamente, de realizarmos unha aproximación comparada á publicidade actual, en todos os seus formatos posibles, e á de vinte anos atrás, comprobaríamos ata que punto pode esta retratar con simpleza, as maís das veces propositada, as transformacións sociais máis complexas así como os cambios operados en nós nos diferentes hábitos diarios.

Indo ao terreo que nos ocupa, que é o da igualdade entre homes e mulleres, da mesma forma en que a publicidade reflicte en moitísimas ocasións unha igualdade que existe, de certo, en tanto existe un corpus lexislativo que a consagra e en tanto houbo un cambio recente nos costumes que conduce cara a consecución deste obxectivo social común, tamén resulta en máis dunha ocasión un vehículo de perpetuación e transmisión de roles e estereotipos desigualitarios, cando non discriminatorios, que axudan, e de que forma, a perpetualos no tempo e a dotar de argumentarios de conciencia a aquelas persoas que non cren nesa igualdade nin na súa necesidade.

Con este Concurso de publicidade antisexista “IGUAIS” que convoca a nosa Concellaría de Igualdade e Participación Cidadá do Concello da Coruña pretendemos reflexionar sobre os códigos da publicidade gráfica actual, a que resulta desde logo máis vistosa e, posiblemente, influínte, á vez que achegar unha outra posible visión desta desde códigos igualitarios sen que se perda, en ningún momento, o seu carácter promocional e de difusión tanto de produtos como de ideas e necesidades.

A tal fin, a terceira edición do festival arte+parte ofertará unha selección dos mellores traballos presentados a este concurso. Ao mesmo tempo, será nese marco onde se dará a coñecer o traballo gañador e os dous posibles accésits. En poucos días estaremos en disposición de adiantarvos máis información sobre este evento.

Consultar as bases en Igualdade Coruña

www.iguais.org

Difusión en Briefing Galego

Os paneis de NADA en Expocoruña

2009-12-11T18:14:00.006+01:00

Os pasados días 5, 6, 7 e 8 de decembro celebrouse en Expocoruña a décimo terceira edición da Feira dos Autónomos de Galicia. Cando pasamos polo garaxe do recinto, descubrimos a ubicación estratéxica dos paneis desenvolvidos durante a celebración de arte+parte=2 pola artista NADA e polo público asistente. Aquí tedes unha mostra, pese á deficiente calidade fotográfica.

Noutra orde de cousas, durante a celebración da Feira, a nosa Concellaría dispuxo dun punto de atención á infancia que tivo, como era de esperar, un grande éxito.

Fotos das actividades de arte+parte=2

2009-11-09T18:41:00.007+01:00

Fotos dos concertos de arte+parte=2

2009-11-09T18:20:00.006+01:00

Anni B. Sweet, estrela en arte+parte=2

2009-11-07T19:05:00.005+01:00

Making off dos vídeos de Roxy e Purple

2009-11-04T18:07:00.006+01:00

Graciñas a tod@s!!!!!!!

2009-11-02T12:23:00.003+01:00

......e para o ano.......MÁIS E MELLOR!!!!!!!

Servizo gratuíto de párking e Servizo de Canguros

2009-10-29T13:48:00.006+01:00

Mañá venres e o sábado, é dicir, durante a celebración do Festival, as persoas que se queiran achegar a Expocoruña terán ao seu dispor o párking do recinto, así que non hai escusas para andar por aí dando voltas como unha buxaina!!!!!

O sábado, a maiores, desde as 16:30 que comeza o primeiro documental ata as 21:00 horas, contaremos tamén cun Servizo de Canguros para as nenas e nenos que por alí anden.....

Alaska versus Fangoria

2009-10-27T11:03:00.004+01:00

Entrevistas a Olvido Gara en diferentes medios de comunicación da Coruña!!!!!

Roxy e Purple xa andan pola Coruña!!!!!!!!!

2009-10-26T15:01:00.006+01:00

Non hai máis que ver a rotiña coruñesa que se fan estas robotas!!!!!!!

Esperamos contar con vós este venres 30 e sábado 31 de outubro. Faremos historia....ou case.

Boísima acollida á exposición "Resetea: Cambia o teu Rol!!!"

2009-10-24T10:28:00.003+02:00

....agardemos que non quede só en palabras.....

“RESETEA: CAMBIA O TEU ROL”, EXPOSICIÓN DE FOTOGRAFÍA DE “MULLERES: ARTE + PARTE=2” CON 16 PERSONAXES DESTACADOS DA CORUÑA

2009-10-22T18:39:00.006+02:00

A Coruña, 22 de outubro de 2009. O Ilustrísimo Sr. Don Javier Losada, Dona Margarida Vázquez, Fran, Yolanda Castaño, Rober Bodegas… Y así até 16 personaxes destacados da Coruña conforman a exposición de fotografía “Resetea: cambia o teu rol”, presentada na mañá de hoxe no Concello da Coruña e que se inaugurará o vindeiro 31 de outubro na segunda edición de “Mulleres: Arte + Parte”. Neste acto de presentación participaron Dona Margarida Vázquez, Concelleira de Igualdade e Participación Cidadá do Concello da Coruña, Pequena Suricata, fotógrafa responsable da exposición, Dona Silvia Penide, cantante e “Fran”, ex - xogador do Deportivo da Coruña, dous dos seus protagonistas.

Filosofía de “Mulleres: Arte + Parte”

“Resetea: cambia o teu rol” é unha exposición fotográfica composta por 8 imaxes de homes e 8 imaxes de mulleres realizando accións asociadas tradicionalmente ao outro sexo, invitando deste xeito a superar as barreiras de xénero, en liña coa filosofía proposta no proxecto sociocultural “Mulleres: Arte + Parte”. Segundo Dona Margarida Vázquez, “Mulleres: Arte + Parte=2 pretende ser unha pedra de toque sobre o papel secundario e estereotipado que as mulleres adoitan representar no mundo das diferentes disciplinas artísticas. Esta exposición busca acercar esta visión aos cidadáns mediante a participación de personaxes coñecidos da cidade”.

Elba Fernández, coñecida por Pequena Suricata, autora das fotografías que compoñen esta exposición comentou durante a presentación que “creáronse escenarios, en ocasións imposibles, empregando a imaxinación como ferramenta para transmitir a mensaxe de igualdade entre xéneros”.

8 homes e 8 mulleres

A exposición fotográfica, que se poderá visitar de forma gratuíta entre as 17 e 21 horas do vindeiro 31 de outubro en EXPOCoruña, ten entre outros participantes á cantante Silvia Penide e “Fran”, ex – xogador do Deportivo, quen mostraron a súa satisfacción por participar nun proxecto destas características “polo seu compromiso social e pola transmisión de valores igualitarios”.

A continuación, poderedes ver en rigorosa exclusiva catro das dezaseis fotos das que se compón esta exposición. Trátase das fotos de Fran (futbolista), Margarida Vázquez (Concelleira de Igualdade e Participación Cidadá do Concello da Coruña), Silvia Penide (cantante) e Antonio Couceiro (Director Xeral de Begano S.A.).

O listado completo de personaxes destacados que compoñen esta exposición é:

- Sr. D. Manuel Aguilar López. Director da Obra Social de Caixa Galicia

- Sr. D. Rober Bodegas, humorista

- Sra. Dona Yolanda Castaño, escritora

- Sr. D. Antonio Couceiro. Director Xeral de Begano

- Sr. D. Andrés Díaz, atleta

- Sr. D. Francisco González Pérez, “Fran”, ex – xogador do Deportivo da Coruña

- Ilmo. Sr. D. Javier Losada, Alcalde do Concello da Coruña

- Ilma. Sra. Dona Carmen Marón, 2a Tenente de Alcalde Responsable de Área con delegación xenérica de Economía, Facenda e Planificación do Concello da Coruña

- Sra. Dona Sabela Martínez-Risco, humorista

- Sra. Dona Ana Montes, Directora Xerente de EXPOCoruña

- Sra. Dona Pilar Neira, seleccionadora galega de fútbol feminino, e as mozas da selección

- Sra. Dona Ángeles Pena. Directora do Museo de Belas Artes da Coruña

- Sra. Dona Silvia Penide, cantante

- Sr. D. Xurxo Souto, cantante “Diplomáticos de Monte Alto”

- Ilmo. Sr. D. Xosé Henrique Rafael Tello León, 1o. Tenente de Alcalde responsable de Área con delegación xenérica de Promoción Económica, Emprego, Comercio, Consumo e Turismo

- Sra. Dona Margarida Vázquez, Concelleira de Igualdade e Participación Cidadá do Concello da Coruña

Moitísimas grazas a tod@s!!!!!!!!!!

Horario das actividades de arte+parte=2

2009-10-17T13:15:00.006+02:00

Flyer de arte+parte=2

2009-10-15T18:23:00.002+02:00

Os obradoiros de Emma Ríos e Nada nos medios

2009-10-14T08:54:00.005+02:00

ABERTO O PRAZO DE INSCRICIÓN PARA OS OBRADOIROS DE COMIC E GRAFFITTI, A PROGRAMACIÓN MÁIS INTERACTIVA DE MULLERES: ARTE + PARTE=2

2009-10-09T17:47:00.003+02:00

• Dúas mozas galegas, a grafiteira Nada e a ilustradora Emma Ríos, debuxante de Marvel Comics, serán as responsables das actividades máis participativas do festival cultural co-organizado pola Concellería de Igualdade e Participación Cidadá e EXPOCoruña

• O 31 de outubro as mulleres tamén serán protagonista, diante e detrás da cámara, na sección de cine documental, a través de temas tan diversos e vixentes como a memoria histórica, o deporte ou a cooperación internacional

A Coruña, 9 de outubro de 2009. Mulleres Arte+ Parte=2, segunda edición do festival cultural co-organizado pola Concellería de Igualdade e Participación Cidadá e EXPOCoruña e que terá lugar os días 30 e 31 de outubro, ven de abrir o prazo de inscricións, sen custo adicional, para os dous obradoiros que terán lugar na tarde do 31 en info@expocoruna.com (reserva de prazas). En paralelo, desenvolverase a programación documental do festival que, cunha ampla proposta en torno ás achegas artísticas femininas, ofrece actividades para todos os públicos.

Os obradoiros serán impartidos por dúas mozas galegas que están a destacar en mundos – o cómic e o graffitti–, nos que habitualmente hai unha moi escasa participación feminina. Emma Ríos é unha nova artista coruñesa que actualmente traballa para Marvel Comics, actualizando a personaxe do Doutor Estraño. No seu obradoiro – conferencia relatará a súa experiencia no mercado americano, e a súa visión sobre o universo do cómic realizado nos EE.UU: “ O cómic e unha linguaxe máis, como o cine ou a literatura; non ten xénero e eu, dende logo, non teño sentido ningún tipo de discriminación nin como fan nin no meu traballo. Síntome máis ben privilexiada de poder traballar con guionistas que admiro dende os 15 anos”

No obradoiro de graffitti, a artista NADA (Iria Fafián Alonso) realizará en directo unha obra, que se suma á que realizou durante a presentación do festival. mentres desenvolve un obradoiro no que os asistentes poderán facer a súa obra – mural: “Queremos invitar ao público a participar, saiba ou non de graffitti ou mesmo de debuxo, é unha oportunidade de probalo por un mesmo que se presenta moi poucas veces”.

CINE DOCUMENTAL NO AUDITORIO DE EXPOCORUÑA:

A tarde do día 31 tamén ofrece unha sesión de cine documental que, cunha mirada feminina –3 historias dirixidas ou protagonizadas por mulleres- tratará temas de máxima actualidade, como a memoria histórica ou a cooperación internacional, ofrecendo a posibilidade de descubrir novas historias, como a de Irene, a porteira, coruñesa pioneira no deporte.

• Plan Rosebud 2: Convocando ás pantasmas de Maria Ruído. «Non hai un documento de cultura que non o sexa tamén da barbarie»; está breve frase de Walter Benjamin foi a inspiración do equipo de Rosebud, como sinala a súa directora, María Ruído: “Viviamos daquela a conmemoración do Ano da Memoria e a efervescencia do debate sobre a coñecida popularmente como Lei de memoria histórica… e asistiamos a múltiples (e moi merecidas) homenaxes ás vítimas que o terrorismo de Estado franquista deixara en cárceres e gabias”.

• Irene, a porteira de Óscar Losada. Estreado no programa Onda Curta da TVG, este documental conta a historia dunha muller que entre os anos 20 e 30 destacou na Coruña por ser porteira de fútbol en equipos masculinos, e que mesmo chegou a ter un de seu: o Irene F.C. Óscar Losada funde a súa faceta de xornalista coa de director para reconstruír unha historia da que apenas quedan documentos gráficos ou escritos, a través dos testemuños de persoas moi vinculadas ao deporte, como o ex- porteiro do Deportivo Rodrigo Vizoso, o historiador Xosé Enrique Acuña ou a xornalista e ex- futbolista Lis Franco.

• Proxecto Malawi de Liló Producións. "Cambiar unha cómoda vida en Galicia pola cooperación nun país afastado, con costumes ben distintos e con centos de problemas que solucionar... pero tamén con centos de cousas que aprender, que descubrir e que vivir. Foi a elección de Xabi e de Nacho, eles descóbrennos Malawi, un espectacular país onde traballan, onde viven e onde conviven” sinalan Isabel Caamaño e Marcos Cenamor, realizadores deste documental. Un percorrido no que a malaria, a SIDA, a malnutrición ou o problema dos negros albinos son algúns dos protagonistas, pero tamén a fauna das nove reservas naturais, as súas posibilidades turísticas, a amabilidade das xentes ou as tradicións ancestrais deste pais.

SOBRE MULLERES ARTE+ PARTE

Mulleres Arte + Parte=2 pretende ser unha pedra de toque sobre o papel secundario e estereotipado que as mulleres adoitan representar no mundo das diferentes disciplinas artísticas, nomeadamente na música e no audiovisual. Así, esta edición sigue a liña da primeira na que disciplinas como a música, o cine ou o teatro, que foron os eixes dun evento no que a muller era o único protagonista e no que participaron artistas como Dorian, Nadadora, Emma Pollock, Margarida Ledo ou Lucky Soul.

ENTRADAS:

Venres 30 de outubro: Concerto de Fangoria e concertos día 31 -15 € anticipada /18 € billeteira

Sábado 31 de outubro: Concertos- 5 € / Actividades diúrnas - acceso GRATUITO

Puntos de venda: A Coruña: Fnac / Discos Portobello. Santiago de Compostela: Disco Precio

Elanor e Scandal pechan a programación musical do sábado 31

2009-10-06T09:57:00.001+02:00

Péchase definitivamente o apartado musical desta segunda edición de arte+parte coa inclusión de dúas bandas locais, que se suman á xa anunciada presencia de Franc3s: Scandal e Elanor.

O conxunto das propostas musicais queda como segue:

VENRES 30 DE OUTUBRO

Franc3s
Fangoria

SÁBADO 31 DE OUTUBRO

Elanor
Scandal
Sevigny
Silvia Penide
Anni B. Sweet

Roxy e Purple revisan a historia.....

2009-10-05T10:23:00.003+02:00

arte+parte '09 Promo 3 from www.enimaxes.com on Vimeo.

Proba de cartel e mural de NADA creado na rolda de prensa do día 30

2009-10-02T10:14:00.003+02:00

Estas dúas fotos fixéronse con móbil....pero é o que temos, por agora. Purple estará contenta!!!!!!

......de NADA.........

Unha empresa coruñesa, Esferobite, autora de catro videoclips de Fangoria

2009-10-01T16:59:00.007+02:00

Grazas ao noso amigo Jose Manuel, seguidor acérrimo do noso festival, soubemos desta empresa coruñesa, Esferobite, con sede social na Rúa Vizcaya, encargada da realiozación de nada menos que catro videoclips de Fangoria, que vos presentamos a continuación.

Figuran como responsables destes traballos Belén Montero e o seu compañeiro e socio Juan Lesta. Noraboa por traballar a tan alto nivel!!!!!!.

Belen Montero

Juan Lesta

Miro la vida pasar [Fangoria] from Esferobite-DSK on Vimeo.

Hombres [Fangoria] from Esferobite-DSK on Vimeo.

Eternamente inocente [Fangoria] from Esferobite-DSK on Vimeo.

No se que me das [Fangoria] from Esferobite-DSK on Vimeo.

Desde logo, Jose Manuel merécese sen ningún xénero de dúbida unha entrada de balde pola súa excelente labor de rastreo......

Impacto nos medios de comunicación

2009-10-01T09:07:00.008+02:00

Reproducimos aquí as novas aparecidas hoxe nos diferentes xornais, polo menos naqueles que consideraron de interese a nosa proposta:

No Xornal:

Fangoria, Anni B. Sweet e Sevigny tocarán este mes en ExpoCoruña

O recinto acolle os días 30 e 31 a obra ‘Camiñando’, realizada por reclusas de Teixeiro, e un filme sobre a galega pioneira do fútbol

“Unha reivindicación da igualdade”. Así definiu a directora de ExpoCoruña, Ana Montes, a segunda edición do proxecto cultural Mulleres Arte+Parte que terá lugar os días 30 e 31 de outubro. Pintura, fotografía, graffitti en espazos urbanos, cine documental, grupos musicais ou cómic danse a man nunha macroexposición multidisciplinar que agroma a partir de elementos comúns como a reivindicación do protagonismo feminino nas artes e na sociedade. Artistas locais, emerxentes e consagrados participan na mostra organizada para invitar á reflexión sobre o papel secundario e estereotipado que aínda representan as mulleres no ámbito cultural, nomeadamente na música e no audiovisual.
A concelleira de Igualdade, Margarida Vázquez, salientou a vertente interactiva da mostra, coorganizada polo Concello da Coruña e ExpoCoruña. Unha vez inaugurada por todo o alto coa actuación de Fangoria, o día 31 Mulleres Arte+Parte estará dedicado en boa parte á participación dos asistentes na produción cultural das artistas, con diversos obradoiros, debates e mesas redondas. Nesta segunda edición, o proxecto contará coa participación da Asociación Intramuros, integrada por un grupo de reclusas da prisión de Teixeiro, e terá especial relevancia a figura de Irene, A porteira, unha galega pioneira no fútbol.
Henrique Tello, tenente de alcalde do Concello da Coruña, destacou na presentación a importancia destes proxectos culturais que “amplían o atractivo da cidade”. Ademais, sinalou que “é importante achegar artistas foráneos pero tamén hai que aproveitar o noso potencial”.

PROGRAMA MILTIDISCIPLINAR
O día 30 de outubro ábrense as portas de ExpoCoruña para acoller a Fangoria, o grupo de Alaska e Nacho Canut. O teloneiro será Franc3s, o grupo revelación de procedencia coruñesa e cancións que rescatan o espíritu da movida madrileña.
Ao día seguinte, Mulleres Arte+Parte contará coa actuación da Asociación Intramuros, da prisión feminina de Teixeiro, que presenta o día 31 a obra Camiñando. O proxecto presta especial atención ao cine documental, cos filmes Plan Rosebud 1: A escena do crime, de María Ruido, que aborda a polémica Lei da Memoria Histórica; Irene, a porteira, a particular homenaxe de Óscar Losada á lenda feminina do fútbol galego; e Proxecto Malawi, de Isabel Caamaño e Marcos Cenamor, acerca dos proxectos de colaboración con África.
A proposta fotográfica corre a cargo da artista coruñesa Pequena Suricata, que lles fará fotos aos asistentes para regalarlles unha pequena obra de arte. A pintora Margarita Cimadevila presentará a súa exposición Ciencia Ex-Aequo, que mestura ciencia e arte nas súas obras con carácter divulgativo.
Os obradoiros de cómic e graffitti permitirán que o público participe coas artistas Emma Ríos, membro de Marvel Comics, e NADA (Iria Fafián Alonso), quen onte ilustrou a presentación de Mulleres Arte+Parte realizando un graffitti en directo. Antes das actuacións musicais que pecharán a mostra terá lugar a mesa redonda, moderada por Anxela Caramés, na que os asistentes poderán coñecer ás artistas e debatir con elas. O grupo galego indepente Sevigny, a inclasificable Silvia Penide e Anni B. Sweet, a última musa indie, porán o broche a esta homenaxe ás mulleres.

Na Opinión da Coruña:

Fangoria abandera la propuesta musical del proyecto cultural Mulleres Arte + Parte

Los días 30 y 31 de octubre, Expocoruña acogerá la segunda edición del festival Mulleres Arte + Parte, un proyecto cultural que tiene como objetivo reconocer el papel de la mujer en el proceso creativo artístico. El apartado musical lo abrirá Fangoria el viernes 30, a las 22.00 horas. El grupo de Olvido Gara y Nacho Canut presentará las canciones de su último trabajo discográfico Absolutamente, el séptimo de su aventura musical en común. Las entradas para el concierto de Fangoria cuestan 15 euros anticipadamente y 18 en las taquillas de Expocoruña.

Un día después, el escenario de Mulleres Arte + Parte recibirá los acordes de Sevigny, Silvia Penide y de la artista revelación en el panorama independiente nacional, la malagueña Anni B. Sweet. Las artistas participarán antes de sus conciertos en distintos encuentros con el público, entre los que destaca una mesa redonda para abordar la realidad de la mujer dentro del arte. El acceso a toda la programación de conciertos y de las demás actividades del sábado costará cinco euros.

Pero no sólo de música vive la mujer. El festival contará en el apartado teatral con la asociación Intramuros de la prisión femenina de Teixeiro, que representará la obra Camiñando. Expocoruña habilitará una zona de proyección en la que se exhibirán los nuevos filmes de María Ruído, Isabel Caamaño y Óscar Losada, todos ellos con la mujer como eje central de sus historias.

Otra aparición importante será la de la artista Margarita Cimadevila, que presentará su exposición de pintura, mientras que Pequena Suricata mostrará su obra fotográfica y la arquitecta Ana Gallego realizará una propuesta de arquitectura efímera, galardonada con el premio ADI FAD 2007.

En el acto de presentación del festival, la directora gerente de Expocoruña, Ana Montes, destacó que la segunda edición del proyecto “continúa creciendo y aglutinando una amplia propuesta cultural y de ocio pensada para que todos los públicos puedan participar en este homenaje a las mujeres”.

La programación de Mulleres Arte + Parte se completará con talleres de cómic, a cargo de la artista coruñesa Emma Ríos, que actualmente trabaja para Marvel Comics y de grafiti, con la artista gallega Iria Fafián Alonso.

La cita cultural en que la mujer es la principal protagonista debutó el año pasado con una edición en la que triunfaron nombres como Dorian, Nadadora, Emma Pollock, Margarida Ledo o Lucky Soul. Para asistir a los eventos, las entradas se pueden adquirir en la Fnac y Discos Portobello. Se trata de una oportunidad para ver en acción la realidad de la música, cine y el teatro con acento femenino.

No Ideal Gallego:

A segunda edición de “Mulleres arte + parte =2” abrirase con Fangoria

O grupo Fangoria encabeza o cartel da segunda edición de “Mulleres arte + parte=2”, que terá lugar o 30 e 31 de outubro en ExpoCoruña, como exemplo nutrido dunha fórmula arriscada que triunfou na década dos oitenta. Igual de arriscada quere ser a actividade multidisciplinar que engloba música, artes escénicas, audiovisual e palabra que rebota en mesas redondas, co fin de reivindicar a igualdade, a traveso de gritos de mulleres que se diferenzan pola súa impronta.

Desta forma, o recinto acollerá a voz con efectos especiais de Alaska o venres 30. A veterana compartirá escena con Franc3s, para pasar a unha segunda xornada de “Mulleres arte + parte=2”, que será espectáculo de teatro e danza con Mozas 10, a cargo da Asociación Intramuros, formada por un grupo de presas de Teixeiro. Comentaba a comisaria do evento, Ánxela Caramés, que ao contrario que noutras citas, nesta as protagonistas intercambiarán ideas co público en sendos debates, polo que as presidiarias poderán comunicarse co exterior, igual que a arquitecta Ana Gallego e as creadoras de pezas audiovisuais.

Unha delas, María Ruído, levará ao espectador até unha época de represión co traballo “A escena do crime”, que vén a ser un grito pola recuperación da memoria histórica. Tamén estará Óscar Losada facendo protagonista a Irene, que foi porteira de fútbol e fixo que o seu equipo adoptara o seu nome. Agora, as xogadoras da selección galega din chamarse “as fillas de Irene”, lembraba a concelleira de Igualdade, Margarida Vázquez.

Pola súa parte, “Proxecto Malawi” impregnará o espazo de conciencias solidarias e a fotógrafa Pequena Suricata amosará a exposición “Cambio de roles”, que terá toque dinámico xa que a artista daralle a súa visión ás instantáneas dos particulares. Como segunda mostra, a de “Ciencia Ex-Aequo”, sobre as mulleres que deron grandes chanzos no campo pero que tiveron que ocupar un segundo plano por teren coleta.

O cómic estará presente nun obradoiro, impartido pola debuxante Emma Ríos, que traballa para a firma estadounidense Marvel, xunto ao grafiti, que será creación ao longo da xornada coa artista Nada. Margarida Vázquez sinalaba que a iniciativa rompe así cos estereotipos discriminatorios para as mulleres.

O sábado rematará en concerto, esta vez, a cargo dos acordes acústicos de Sevigny, a voz poética de Silvia Penide e os ritmos indies de Anni B. Sweet. Mulleres con ganas de cambiar o mundo.

N'A Nosa Terra:

II EDICIÓN DE 'MULLERES: ARTE + PARTE'

Protagonismo feminino na Coruña
Redacción . A segunda edición do proxecto cultural 'Muller. Arte + Parte' desenvolverase os días 30 e 31 de outubro en ExpoCoruña. Hoxe presentouse a programación desta iniciativa que reivindica o protagonismo feminino.

Desenvolvido pola Concellería de Igualdade da Coruña e ExpoCoruña, este proxecto cultural presentou a súa segunda edición cunha manifestación artística en vivo. A grafiteira Nada, Iria Favián Alonso, fixo en directo un mural conmemorativo de 5 metros por 2,50.

A concelleria de Igualdade da Coruña, Margarida Vázquez, e a directora de ExpoCoruña, Ana Montes, presentaron a programación deste proxecto que se desenvolverá os días 30 e 31 de outubro no recinto feiral da cidade herculina.

'Mulleres: Arte + Parte' pretende ser unha pedra de toque sobre o papel secundario e estereotipado que as mulleres adoitan representar no mundo das diferentes disciplinas artísticas, a través da música, o cine ou o teatro, no que a figura da muller será a protagonista.

Programación

“Mulleres Arte + Parte” contará, no apartado teatral coa Asociación Intramuros da prisión feminina de Teixeiro, coa representación da obra Camiñando”; os filmes Plan Rosebud 1: A escena do crime de Maria Ruído, Proxecto Malawi de Isabel Caamaño e Marcos Cenamor e Irene, a porteira de Óscar Losada, conflúen na sección documental; Margarita Cimadevila presentará a súa exposición de pintura, Pequena Suricata amosará a súa obra fotográfica e a arquitecta Ana Gallego proporá para o evento unha arquitectura efémera baseada nunha peza de cartón galardoada co premio ADI FAD 2007.

A programación complétase con obradoiros de Cómic, a cargo da artista coruñesa Enma Ríos, que actualmente traballa para Marvel Cómics, e de Graffitti, coa artista “Nada”, Iria Fafián Alonso.

No apartado musical, que abrirá Fangoria a noite do día 30, estarán presentes o sábado 31 Sevigny, Silvia Penide e Anni B. Sweet.

Galicia Hoxe:

REIVINDICACIÓN
Mulleres Arte + Parte lembra as achegas que fai a muller
Terá lugar a finais do mes de outubro

Os próximos 30 e 31 de outubro, EXPOCoruna acollerá Mulleres Arte + Parte, un proxecto cultural coorganizado pola Concellería de Igualdade e Participación, polo Concello da Coruña e EXPOCoruña. Ten como obxectivo facer un recoñecemento das achegas sociais e culturais da muller. Este proxecto, presentado onte en EXPOCoruña polos seus promotores pretende ser unha pedra de toque sobre o papel secundario e estereotipado que as mulleres adoitan representar nas diferentes disciplinas artísticas, nomeadamente na música e no audiovisual. Neste sentido, Margarida Vázquez, concelleira de Igualdade e Participación da Coruña sinalou a importancia de iniciativas coma esta, "que dun xeito lúdico e, mesturando o social co cultural, esta iniciativa é a nosa achega para romper con estereotipos discriminatorios para as mulleres, incluíndo por exemplo, a participación da Asociación Intramuros, integrada por un grupo de reclusas da prisión de Teixeiro". Pola súa banda, Henrique Tello, responsable da Área de Promoción Económica, Emprego, Comercio, Consumo e Turismo destacou "ademais a importancia de facer visibles as achegas femininas".

Presentación do programa de arte+parte=2

2009-09-30T21:46:00.013+02:00

Programación arte+parte=2

Venres 30 de outubro

22:00-01:00 Proposta musical con Franc3s e Fangoria

Sábado 31 de outubro

Sala de Proxeccións:
16:30 Plan Rosebud 1: A escena do crime de Maria Ruído
18:00 Debate
18:45 Irene, a porteira de Óscar Losada
19:10 Debate
19:45 Proxecto Malawi de “Liló Producións”
20:30 Debate

Hall central

17:00-21:30 Inicio actividades e stands expositivos.
17:00-21:00 FOTOGRAFÍA : Proposta fotográfica para o público do Festival con Pequena Suricata+Exposición: Cambio de Roles
17:00-21:00 EXPOSICION DE PINTURA “Ciencia Ex-Aequo”, de Margarita Cimadevila. Presencia da autora.
17:00-21:00 AREA DE DESCANSO desenvolvida por: Ana Gallego. Arquitecta
17:30-19:00 Taller de comic a cargo de Emma Ríos
19:00-19:30 Representación Danza-Teatro Asociación Intramuros: Mozas 10 Espectáculo “Camiñando”. Coordinadora: Carlota Pérez
19:30-21:30 Obradoiro de graffitti: a artista NADA (Iria Fafián Alonso) realizará en directo unha obra e, ao mesmo tempo, desenvolverá un obradoiro onde o público asistente poderá, á súa vez, realizar outra obra-mural. Na zona de exposicións tamén poderá contemplarse a obra publicitaria do Festival que Nada realizará durante a rolda de prensa do día 30 de setembro.
19:30-21:00 Mesa redonda de encontro de artistas co público: Nesa Mesa, moderada por Anxela Caramés, coñeceremos de primeira man a experiencia artística de Ana Gallego, Margarita Cimadevila, Pilar Mingote, Lucía Roche e Luciana Touceda.
21:15-01:45 Proposta musical con Scandal, Elanor, Sevigny, Silvia Penide e Anni B. Sweet

Vídeos:

Ana Montes

NADA inicia o mural

Margarida Vázquez

Quique Tello e Roxy.....parella de feito??????

Roxy sae de paseo......e 2!!!!!!!!!

2009-09-30T10:30:00.003+02:00

Roxy sae de paseo......

2009-09-25T18:09:00.002+02:00

Presentación do programa completo do Festival Mulleres:arte+parte=2

2009-09-25T09:08:00.013+02:00

O próximo mércores 30 de setembro, nas instalacións de Expocoruña, contra as 12:30 da mañá, presentarase a programación completa do Festival Mulleres, que se celebrará os días 30 e 31 de outubro na nosa cidade.

Margarida Vázquez, concelleira de Igualdade e Participación Cidadá, Ana Montes, Xerente de Expocoruña, Quique Tello, Primeiro Tenente de Alcalde, e Anxela Caramés, moderadora dos encontros das artistas co público, darán a coñecer unha programación que combina a variedade e a calidade das diferentes propostas.....aínda que non se descartan incorporacións de última hora.......

Durante a rolda de prensa, a artista gráfica urbana NADA, Iria Fafián Alonso, realizará en directo un mural (5 metros por 2,50) conmemorativo deste evento, e que recibirá aos/ás asistentes ao Festival. Non será a única aportación de NADA á programación de arte+parte=2....pero para iso haberá que esperar ao 30 de setembro, xusto un mes antes de que dea inicio esta segunda edición.

FICHA TÉCNICA

Nome: Iria Fafián Alonso

Lugar e data de nacemento: Barcelona, 16 de marzo de 1988

Estudos actuais: Terceiro de Belas Artes na Facultade de Pontevedra.

Algúns traballos e exhibicións:

- Mural conxunto na Escola infantil Monte Alto.

- Academia de arte ``Debuxamos´´ Vigo.
- Exhibición Graffiti Vilaboa 2007
- Exhibición de Graffiti feminino VIGA 2008.

PRESENTACIÓN:

"Son natural de Barcelona, onde pasei a miña infancia. Vivín na Coruña, onde tiven ós catorce anos o primeiro contacto có graffiti. Comecei a pintar no túnel do Burgo cós amigos da zona, xuntos planeábamos as temáticas dos murais, que podían levarnos tardes enteiras.

Participei en exhibicións, como o día da muller en Vigo, e outras a nivel comarcal na Coruña.

Foi crecendo rápidamente o meu interese por esta e outras actividades coma a ilustración, a fotografía e a artesanía. Actualmente curso terceiro de Belas Artes na Facultade de Pontevedra.

Gústame facer as cousas polo mero placer de crear, exercitar a inventiva e sentir a contínua evolución e movemento".

Deixámosvos aquí unha pequena selección dalgunha das súas obras....e vémonos en Expocoruña!!!!!!!

Preguntas máis frecuentes relativas a Mulleres:arte+parte e que nunca te atreviches a facer......

2009-09-23T12:29:00.009+02:00

1. Qué é Mulleres:arte+parte exactamente?

Pensemos un momento no seguinte: O resultado de reunir, nun espazo concreto, baixo unha etiqueta común e dentro dunha temporalidade definida, a artistas femininas locais, e de ámbito comarcal, xunto con artistas xa consagradas, ou emerxentes, dentro do panorama estatal e mesmo internacional, convirte esta cita nun marco incomparable e nun referente indispensable para a promoción, máis aló do ámbito da nosa cidade ou Comunidade, destas artistas de disciplinas tan variadas e de proxección totalmente indiscutible. Pintura, fotografía, grafismo urbano en espazos urbanos, cine documental, grupos musicais ou cómic danse a man nunha macroexposición multidisciplinar que agroma a partir de elementos tan simples e comúns como a reivindicación do protagonismo feminino nas artes e a realidade xeográfica que enmarca estas actuacións: a cidade da Coruña. Evidentemente, a reivindicación igualitaria do seu protagonismo artístico realízase a través dun Festival que acaba chamando máis a atención polo seu contido que polo seu "continente".

3. É entón necesario que a xente acuda a este festival como a mellor forma de apoiar a estas artistas?

Por suposto que esa é unha forma de velo, pero podemos asegurarche que quen se perda este Festival estase perdendo unha das citas IM-PRES-CIN-DI-BLES na Coruña en todo o ano 2009!!!!!!.....dito isto con profundo respecto a outras moitas actividades interesantísimas que se desenvolveron, algunhas tan recentes como "Contra Vento e Marea" ou tan de actualidade como Outonarte.

Desde a Concellaría de Igualdade e Participación Cidadá estamos convencid@s de que o festival Mulleres arte+parte=2 trascende os aspectos máis directamente relacionados co ámbito puramente artístico e igualitario para asentarse tamén como unha excelente oportunidade de promoción turística tanto da nosa cidade, das súas ofertas artísticas como do seu sector servicios.

4. Por qué organiza este Festival unha concellaría como a de Igualdade e Participación Cidadá e non forma parte da programación cultural ou de Festas da cidade?

Porque está ben claro que, aínda que formalmente vivamos nunha sociedade que consagra nos seus textos legais a IGUALDADE de todas as persoas, independentemente do seu xénero ou condición, noticias como a aparecida hoxe en varios medios sobre a diferencia REAL de salarios entre homes e mulleres (e que podedes consultar AQUÍ) confirman a triste realidade de que aínda queda moitísimo camiño por percorrer.....Resultaría practicamente imposible atopar un cartel como o deste Festival de non ser impulsado desde unha concellaría como a nosa....por desgraza.

5. Todo iso está moi ben, pero....cando poderemos coñecer a programación completa de arte+parte=2 para confirmar se todo o que dicides é certo e paga moi moito a pena acudir os próximos días 30 e 31 de outubro a Expocoruña?

A programación definitiva darase a coñecer o próximo 30 de setembro, en rolda de prensa que se celebrará en Expocoruña. Está previsto que sexa contra as 12:30.....e contaremos con algunha das artistas alí mesmo!!!!! Estade atent@s aos vindeiros días.

En poucos días........

2009-09-21T13:24:00.002+02:00

....teremos visita........

Anni B. Sweet, unha das estrelas de arte+parte=2

2009-09-17T12:41:00.018+02:00

Hai que recoñecer que alguén se moveu moi ben e conseguiu en exclusiva o nome dunha das artistas presentes nesta segunda edición de Arte+Parte: Anni B. Sweet.

Efectivamente, como xa vos adiantáramos, este ano o Festival Mulleres: arte+parte se desenvolverá en dúas xornadas: enres 30 e sábado 31 de outubro.

Sobre o conxunto de actividades nas que se poderá participar recibiredes moi pronto unha cumprida información. Sen embargo, a aparición nas páxinas de Axenda de La Opinión de A Coruña dun artigo titulado "La nueva musa del gazapastismo" relativo á actuación de Anni na nosa cidde, dentro da programación deste Festival, obríganos a confirmar ese dato, se ben xa vos adiantamos que non será a única actuación musical do sábado, e que haberá tamén un interesantísimo cartel o día anterior.

Dado o seu interese, e o feito de que a crítica é magnífica, reproducimos aquí esa mención inesperada, así como unhas fotos extraídas da súa páxina de Myspace. Para todo o demais, calma. Todo chegará.

Artigo de La Opinión.

La nueva musa del ‘gafapastismo’
Escrito por Rubén Bruña Miércoles, 16 de Septiembre de 2009 20:52

La cantautora malagueña Anni B. Sweet abanderará el cartel de la segunda edición del festival Mulleres Arte + Parte en Expocoruña

"La poco útil pero a la vez divertidísima Frikipedia define bajo el término gafapastismo “a todas aquellas personas alternativas que pasean por la calle con tres periódicos bajo el brazo, con su suplemento cultural o una revista de crítica literaria en su defecto, que ven cine francés siempre en versión original y son seguidores incondicionales de Jean-Luc Godard”.
La irracional página web asegura sobre los gafapastas que sus gustos musicales oscilan entre artistas como Björk, Madeleine Peiroux, Radiohead, Coldplay, Los Planetas y Elefantes. Sin la intención de molestar a nadie, ya que este redactor posiblemente podría pasar inadvertido entre ellos, el movimiento indie ha encontrado una nueva musa: Anni B. Sweet. Esta cantautora malagueña, que combina folk y pop con maestría y que muchos comparan con la nueva Lolita del pop nacional, Russian Red, sacó hace cinco meses su álbum debut Start, Restart, Undo y desde entonces todo han sido sonrisas y parabienes.
Tras difundirse ampliamente en internet, probablemente haya sido una de las pocas artistas españolas en sacarle todo el partido a MySpace, Anni B. Sweet comenzó a realizar varias giras acompañando a artistas como Antonio Vega. Recibió un fuerte impulso mediático tras realizar la ambientación musical de la serie Cazadores de hombres y su aparición en Radio 3 supuso que la lógica se impusiera: firmó un contrato con las discográficas Arindelle y Subterfuge Records.
Con motivo de la gira de presentación de su disco, Sweet hará una para en A Coruña, más concretamente en la segunda edición del festival Mulleres Arte + Parte que todavía está por configurar definitivamente. Lo que sí está cerrado es un presencia como cabeza del festival, el próximo 31 de octubre, en Expocoruña. Sus letras, que beben de la música inglesa, la melancolía y el pop, sonarán con intensidad en una cita indispensable. Si el año pasado Russian Red fue la reina del baile, en esta ocasión, ahora será Sweet la que ejerza de reina del indie".

Sevigny-The Pacifist

2009-08-27T18:41:00.005+02:00

Crónica do I Festival Mulleres arte+parte

2009-07-21T11:52:00.023+02:00

A continuación, seleccionamos unha serie de enlaces que inclúen desde crónicas, entrevistas, publicitación do evento, críticas ata todo tipo de información xenerada en torno á celebración do I Festival Mulleres arte+parte o pasado 29 de novembro de 2008. Temos que dicirvos que nos sorprendeu moito, no seu momento, a cantidade de medios ( analóxicos e dixitais, por dicilo dalgún xeito ) que se interesaron por esta cita. Máis aínda ao tratarse da súa primeira edición.

Podedes tomarvos esta información como un modesto aperitivo ás inminentes novas que vos adiantaremos moi próximamente.

Crónica de Retromúsica

Crónica PopMadrid

Información de El País

Presentación de fotos do Festival realizada por +Galicia

Información de La Voz de Galicia

Comentarios usuari@s de Desconcierto

Crónica Voz de Galicia

A muller como fío condutor do mellor pop independente

Información do diario 20 Minutos

Información do Abc

Páxina de Playground

Crónica de Fastforwar sobre a actuación de Dorian

Comentarios en Last.FM

Entrevista a Dorian en Retroalimentación, Blog de Javier Becerra

Promoción do Festival en Retromúsica e enlaces aos grupos

Ata pronto....

Segunda edición do Festival Mulleres: arte+parte

2009-07-21T08:59:00.003+02:00

O 29 de novembro de 2008 celebrouse no Recinto Feiral Expocoruña a primeira edición do Festival “Arte+Parte”.

Este Festival, organizado entre a Concellaría de Igualdade e Participación Cidadá e IFECO Expocoruña, e que contou coa colaboración económica, entre outros, de Begano S.A., ITC Grupo e Gadisa, pretendeu ser unha pedra de toque sobre o papel secundario e estereotipado que as mulleres adoitan representar, ou que se adoita representar interesadamente da muller no seu conxunto, no mundo das diferentes disciplinas artísticas, nomeadamente na música e nas producións audiovisuais.

Como continuidade ao traballo de compilación, exposición e debate que a Concellaría viña xa desenvolvendo desde o Proxecto Exposición “DESENFOCADAS: Imaxe feminina nas revistas dirixidas a rapazas novas”, organizada arredor da celebración do 8 de marzo "Día Internacional das Mulleres" na súa edición de 2008, e que forma parte do catálogo de obradoiros-exposicións que o Concello da Coruña oferta aos centros educativos da nosa cidade, este Festival sitouse no punto intermedio entre a denuncia dunha situación de desamparo e desigualdade na que se atopan as mulleres desde moi novas á hora de encamiñarse cara ao mundo das artes, convertidas en meros obxectos de visualización e desfrute masculinos, nomeadamente nos aspectos que máis inciden na sexualización, como son o “Lolitismo” ou trunfo da imaxe adolescente como o único ideal de beleza feminino, os movementos “sexis”, o vestiario provocativo, o vocabulario reducido a un mar de tópicos, a mitificación da beleza máis externa, a “cousificación”....., e a reivindicación do seu auténtico valor como artistas e como mulleres que deben salvar todos estes obstáculos antes de podérmonos achegar á súa arte e captala na súa exacta dimensión, con criterios puramente artísticos.

Naquela data, e ao longo de toda unha xornada, as coruñesas e coruñeses que se achegaron ata Expocoruña puideron coñecer, directamente, sen os filtros habituais, a obra artística de mulleres que se desenvolven en disciplinas como o cine, a danza e o teatro, e, sobre todo, a música e o espectáculo.

Para iso, contouse con artistas tanto locais e/ou galegas ( Carmen Rei, Nadadora e Margarida Ledo ) como estatais ( Dorian, Souvenir ) e internacionais ( Emma Pollock, Lucky Soul e Dead Pixels ).

Un dos valores engadidos que tivo este Festival foi, ademais do anteriormente dito, a posibilidade dos asistentes de achegarse directamente, sen intermediarios, ás artistas a través dos encontros co público, unha constante ao longo de todo o Festival e que forman parte xa da “marca propia” deste evento.

A segunda edición

A valoración global realizada desde esta Concellaría do que supuxo esta primeira edición do Festival Mulleres: arte+parte foi moi positiva, non tanto pola afluencia total ao evento, que se aproximou en toda a xornada ás dúas mil persoas, todo un record para unha actividade de reivindicación feminina e igualitaria celebrada en ningún tempo na nosa cidade da Coruña, se non pola enorme transcendencia mediática do mesmo, o cal xenerou unha publicidade non prevista, tanto en medios escritos como a través de internet, valorada pola empresa “Cultura de Comunicación”, experta no sector, en máis de 40.000 euros.

Tendo en conta estes precedentes, a Concellaría de Igualdade e Participación Cidadá dá continuidade ao proxecto, con idea de melloralo e darlle máis transcendencia pública, en canto á xustificada e necesaria pretensión de visualizar e visibilizar o papel protagonista feminino, en iguais termos ao masculino, no cualitativo, xa que non no cuantitativo, coa segunda edición do Festival Mulleres, que desta vez leva por título arte+parte=2.

A principal novidade desta cita será a realización do mesmo en dúas xornadas diferenciadas.

Na primeira delas, a celebrar o venres 30 de outubro, o Festival centrarase únicamente na parte musical do mesmo, ofertando unha coidada selección de artistas, unha local ou galega, unha estatal e unha internacional, que supoñan un atractivo por si mesmas. Artistas que se poderían escoitar en calquera festival musical dos que se desenvolven no Estado.

O día seguinte, sábado 31 de outubro, sen custo algún para quen queira acudir, estará adicado ás diversas disciplinas artísticas presentes nesta edición.

Efectivamente, ás disciplinas do cine e da danza e teatro, xa presentes na primeira edición, súmanse este ano a pintura, a partir dunha homenaxe aos logros científicos nos campos da física, química e astronomía que protagonizaron mulleres do século XIX, reivíndicase o papel da muller nalgúns dos máis salientables descubrimentos científicos de hai dous séculos, a fotografía, da man dunha profesional nativa da nosa cidade, as jam sessions, a través de perto dunha decena de actuacións musicais breves e moi diversas tanto en estilos coma en intérpretes, a presencia de empresas, asociacións e colectivos vencellados á creación artística e ao “feminino” presentes na Coruña, a radiodifusión, os obradoiros de grafittis, a promoción dos grupos musicais locais, con preferencia polos que contan con intérpretes femininas, e as mesas de debate e encontro co público, que nesta edición centraranse en aspectos como a muller e o deporte, a ciencia, o espectáculo e a industria.

Xa vos irempos adiantando cousas nos próximos días!!!!!!

Prometemos grandes novidades.